נחמיה י׳

נחמיה י׳ במלואו

נוסח המסורה עם ניקוד, 39 פסוקים. לחצו על מראה מקום כדי לקשר ישירות לפסוק.

1. נחמ׳ י׳ 1

   וְעַל הַחֲתוּמִים נְחֶמְיָה הַתִּרְשָׁתָא בֶּן־חֲכַלְיָה וְצִדְקִיָּה׃

2. נחמ׳ י׳ 2

   שְׂרָיָה עֲזַרְיָה יִרְמְיָה׃

3. נחמ׳ י׳ 3

   פַּשְׁחוּר אֲמַרְיָה מַלְכִּיָּה׃

4. נחמ׳ י׳ 4

   חַטּוּשׁ שְׁבַנְיָה מַלּוּךְ׃

5. נחמ׳ י׳ 5

   חָרִם מְרֵמוֹת עֹבַדְיָה׃

6. נחמ׳ י׳ 6

   דָּנִיֵּאל גִּנְּתוֹן בָּרוּךְ׃

7. נחמ׳ י׳ 7

   מְשֻׁלָּם אֲבִיָּה מִיָּמִן׃

8. נחמ׳ י׳ 8

   מַעַזְיָה בִלְגַּי שְׁמַעְיָה אֵלֶּה הַכֹּהֲנִים׃

9. נחמ׳ י׳ 9

   וְהַלְוִיִּם וְיֵשׁוּעַ בֶּן־אֲזַנְיָה בִּנּוּי מִבְּנֵי חֵנָדָד קַדְמִיאֵל׃

10. נחמ׳ י׳ 10

    וַאֲחֵיהֶם שְׁבַנְיָה הוֹדִיָּה קְלִיטָא פְּלָאיָה חָנָן׃

11. נחמ׳ י׳ 11

    מִיכָא רְחוֹב חֲשַׁבְיָה׃

12. נחמ׳ י׳ 12

    זַכּוּר שֵׁרֵבְיָה שְׁבַנְיָה׃

13. נחמ׳ י׳ 13

    הוֹדִיָּה בָנִי בְּנִינוּ׃

14. נחמ׳ י׳ 14

    רָאשֵׁי הָעָם פַּרְעֹשׁ פַּחַת מוֹאָב עֵילָם זַתּוּא בָּנִי׃

15. נחמ׳ י׳ 15

    בֻּנִּי עַזְגָּד בֵּבָי׃

16. נחמ׳ י׳ 16

    אֲדֹנִיָּה בִגְוַי עָדִין׃

17. נחמ׳ י׳ 17

    אָטֵר חִזְקִיָּה עַזּוּר׃

18. נחמ׳ י׳ 18

    הוֹדִיָּה חָשֻׁם בֵּצָי׃

19. נחמ׳ י׳ 19

    חָרִיף עֲנָתוֹת נֵיבָי׃

20. נחמ׳ י׳ 20

    מַגְפִּיעָשׁ מְשֻׁלָּם חֵזִיר׃

21. נחמ׳ י׳ 21

    מְשֵׁיזַבְאֵל צָדוֹק יַדּוּעַ׃

22. נחמ׳ י׳ 22

    פְּלַטְיָה חָנָן עֲנָיָה׃

23. נחמ׳ י׳ 23

    הוֹשֵׁעַ חֲנַנְיָה חַשּׁוּב׃

24. נחמ׳ י׳ 24

    הַלּוֹחֵשׁ פִּלְחָא שׁוֹבֵק׃

25. נחמ׳ י׳ 25

    רְחוּם חֲשַׁבְנָה מַעֲשֵׂיָה׃

26. נחמ׳ י׳ 26

    וַאֲחִיָּה חָנָן עָנָן׃

27. נחמ׳ י׳ 27

    מַלּוּךְ חָרִם בַּעֲנָה׃

28. נחמ׳ י׳ 28

    וּשְׁאָר הָעָם הַכֹּהֲנִים הַלְוִיִּם הַשּׁוֹעֲרִים הַמְשֹׁרְרִים הַנְּתִינִים וְכָל־הַנִּבְדָּל מֵעַמֵּי הָאֲרָצוֹת אֶל־תּוֹרַת הָאֱלֹהִים נְשֵׁיהֶם בְּנֵיהֶם וּבְנֹתֵיהֶם כֹּל יוֹדֵעַ מֵבִין׃

29. נחמ׳ י׳ 29

    מַחֲזִיקִים עַל־אֲחֵיהֶם אַדִּירֵיהֶם וּבָאִים בְּאָלָה וּבִשְׁבוּעָה לָלֶכֶת בְּתוֹרַת הָאֱלֹהִים אֲשֶׁר נִתְּנָה בְּיַד מֹשֶׁה עֶבֶד־הָאֱלֹהִים וְלִשְׁמוֹר וְלַעֲשׂוֹת אֶת־כָּל־מִצְוֺת יְהוָה אֲדֹנֵינוּ וּמִשְׁפָּטָיו וְחֻקָּיו׃

30. נחמ׳ י׳ 30

    וַאֲשֶׁר לֹא־נִתֵּן בְּנֹתֵינוּ לְעַמֵּי הָאָרֶץ וְאֶת־בְּנֹתֵיהֶם לֹא נִקַּח לְבָנֵינוּ׃

31. נחמ׳ י׳ 31

    וְעַמֵּי הָאָרֶץ הַמְבִיאִים אֶת־הַמַּקָּחוֹת וְכָל־שֶׁבֶר בְּיוֹם הַשַּׁבָּת לִמְכּוֹר לֹא־נִקַּח מֵהֶם בַּשַּׁבָּת וּבְיוֹם קֹדֶשׁ וְנִטֹּשׁ אֶת־הַשָּׁנָה הַשְּׁבִיעִית וּמַשָּׁא כָל־יָד׃

32. נחמ׳ י׳ 32

    וְהֶעֱמַדְנוּ עָלֵינוּ מִצְוֺת לָתֵת עָלֵינוּ שְׁלִשִׁית הַשֶּׁקֶל בַּשָּׁנָה לַעֲבֹדַת בֵּית אֱלֹהֵינוּ׃

33. נחמ׳ י׳ 33

    לְלֶחֶם הַמַּעֲרֶכֶת וּמִנְחַת הַתָּמִיד וּלְעוֹלַת הַתָּמִיד הַשַּׁבָּתוֹת הֶחֳדָשִׁים לַמּוֹעֲדִים וְלַקֳּדָשִׁים וְלַחַטָּאוֹת לְכַפֵּר עַל־יִשְׂרָאֵל וְכֹל מְלֶאכֶת בֵּית־אֱלֹהֵינוּ׃

34. נחמ׳ י׳ 34

    וְהַגּוֹרָלוֹת הִפַּלְנוּ עַל־קֻרְבַּן הָעֵצִים הַכֹּהֲנִים הַלְוִיִּם וְהָעָם לְהָבִיא לְבֵית אֱלֹהֵינוּ לְבֵית־אֲבֹתֵינוּ לְעִתִּים מְזֻמָּנִים שָׁנָה בְשָׁנָה לְבַעֵר עַל־מִזְבַּח יְהוָה אֱלֹהֵינוּ כַּכָּתוּב בַּתּוֹרָה׃

35. נחמ׳ י׳ 35

    וּלְהָבִיא אֶת־בִּכּוּרֵי אַדְמָתֵנוּ וּבִכּוּרֵי כָּל־פְּרִי כָל־עֵץ שָׁנָה בְשָׁנָה לְבֵית יְהוָה׃

36. נחמ׳ י׳ 36

    וְאֶת־בְּכֹרוֹת בָּנֵינוּ וּבְהֶמְתֵּינוּ כַּכָּתוּב בַּתּוֹרָה וְאֶת־בְּכוֹרֵי בְקָרֵינוּ וְצֹאנֵינוּ לְהָבִיא לְבֵית אֱלֹהֵינוּ לַכֹּהֲנִים הַמְשָׁרְתִים בְּבֵית אֱלֹהֵינוּ׃

37. נחמ׳ י׳ 37

    וְאֶת־רֵאשִׁית עֲרִיסֹתֵינוּ וּתְרוּמֹתֵינוּ וּפְרִי כָל־עֵץ תִּירוֹשׁ וְיִצְהָר נָבִיא לַכֹּהֲנִים אֶל־לִשְׁכוֹת בֵּית־אֱלֹהֵינוּ וּמַעְשַׂר אַדְמָתֵנוּ לַלְוִיִּם וְהֵם הַלְוִיִּם הַמְעַשְּׂרִים בְּכֹל עָרֵי עֲבֹדָתֵנוּ׃

38. נחמ׳ י׳ 38

    וְהָיָה הַכֹּהֵן בֶּן־אַהֲרֹן עִם־הַלְוִיִּם בַּעְשֵׂר הַלְוִיִּם וְהַלְוִיִּם יַעֲלוּ אֶת־מַעֲשַׂר הַמַּעֲשֵׂר לְבֵית אֱלֹהֵינוּ אֶל־הַלְּשָׁכוֹת לְבֵית הָאוֹצָר׃

39. נחמ׳ י׳ 39

    כִּי אֶל־הַלְּשָׁכוֹת יָבִיאוּ בְנֵי־יִשְׂרָאֵל וּבְנֵי הַלֵּוִי אֶת־תְּרוּמַת הַדָּגָן הַתִּירוֹשׁ וְהַיִּצְהָר וְשָׁם כְּלֵי הַמִּקְדָּשׁ וְהַכֹּהֲנִים הַמְשָׁרְתִים וְהַשּׁוֹעֲרִים וְהַמְשֹׁרְרִים וְלֹא נַעֲזֹב אֶת־בֵּית אֱלֹהֵינוּ׃

המשיכו לקרוא

הפרק נחמיה י׳ שייך לספר נחמיה, ה־16 מבין 66 ספרי כתבי הקודש (נוסח המסורה עם ניקוד). קראו את 13 הפרקים לפי הסדר, או חפשו מילה ב־66 הספרים.